Acompañando las estrategias propias de manejo, control del territorio y los recursos naturales

Kay Cochabamba ukhupiqa tukuy laya misk’i mikhuna tiyan, chunka suqtantin provinciasninpi mikhunaqa mana pisinchu, imitapis kanpuni wayk’urinapaq, wisata, sunquta qhallallarichinapaq.

Kunan kutipitaq waturikusun Cliza llaqtamanta, kaypi uk sumaq plato tradicional tiyan, sutintaq pichón, kay mikhunaqa palomaq irpanmanta wayk’usqa, sumaq misk’i kay pichonqa. May chhika watamantapacha Cliza runaqa achka urpista uywan, achayrayku payqunapta pichón plato tracionalninku.

Imaynatachus wayk’urikun, imaschu churakun kay pichón wayk’unapaq. Qankunaman willarisqayku:

 

pichc3b3n de cliza

Pichón wayk'usqaqa, ajina lluqsinan tiyan

 

Wakichikuna

 

- Aycha (suqta pichón)

- Macarrón uk libra

- Papa media cuartilla

- Remolacha suqta uma.

- Cebolla kimsa uma.

- Tomate tawa

- Maní (kutasqa uk puqtu)

- Aceite munasqaykita

- Sal

 

AJINATA WAYK’UNA

 

Pichón aychata achka yakupi kachiyuqta chayachina, chaymantaqa uk cebollata tawaman q’alluytawan wich’uykuna, sumaq misk’i chayananpaq.

Waq mankapitaq macarronta jank’atawan chayachina, aschka yakitupi pisi kachiyupta, chayaptintaq ch’umana yakunta.

Maniytaqa maranpi kutaytawan, chaymantataq paylapi ch’allachina, media horata jina pisi kachiyuqta, chaymantaqa maniy chayaptin piqtuna macarronman.

Papataqa bondaytawan waq mankapi chayachina, aschka yakupi pisi kachiyuqta.

Pinchón aychataqa pisi kachiwan piqtuspa brasaspi kankarpana, mana brasas kaptinri, pailapi ukchhika aceiteyupta kankana.

Remolachataqa achka yakupi chayachina, chaymanta pelaytawan picana, cebolla, tomatetawan salsapaq jina picanallataq.

Phanpa chuwapi papata, macarrontawan chay patanmantaq pichón aychata salsatawan churaspa qarana. Kunantaq misk’i mikhurikuna.

 

Kayta willariwanchis Doña Eva, Cliza llaqtamanta payqa aschka palomasniyuq unaymantapacha, sumaq pichón plato wayk’udora.PAYTATAQ PACHI NINCHIS.

 

Niña vendiendo

Cliza llaqtapi ajina misk'i pichoncito suyariwanchis mikhurqunapaq

 

Kanka brasas

Kaypiqa kankarikuchkan, q'uñi q'uñi mikhunapaq

 

Venta de pichon

 

Pichón mikhuriqchu riyta munanki Cliza llajtakama, kaypi willarisqayku imaynatachus chayanaykipaq: Av. Barrientos, Av. 6 de Agosto tinkuymanta micros, trufis, taxitrufis lluqsisanku, 45 minutos yupayllapi, Cliza llaqtakama chayan.

 

Escrito por:    Lizbedt Sánchez C. Pasante de UNSXX

Julia Román M. - CENDA

Visto 561 veces Modificado por última vez en Jueves, 09 Junio 2016 09:37
Etiquetado como
Compartir esa articulo

Sobre el Autor

CENDA

CENDA es una institución sin fines de lucro que acompaña las estrategias propias de manejo y control del territorio y recursos naturales. Comparte nuestros contenidos y síguenos en nuestras redes sociales para estar al tanto de nuestras actividades.

Sitio Web: cenda.org
Inicia sesión para enviar comentarios