1995 watamantapacha "Añaskitu" p'anqa ruwakun, periódico "Conosur Ñawpaqman" nisqapta uña wawan jina. "Añaskituqa" wawakuna ñawinanpaq, wawakunap ruwayninkuta, yachayninkuta, kawsayninkuta qhichwa qallupi qillqarimun. Kay Suplemento Educativo nisqataqa may chhika wawakuna ñawirisqanku, sutita churanapaqtaq, radio Raqaypanpawan uk atipanaku ruwakurqa, chaymanta "Añaskitu" suti lluqsimun, wawakunawan khuchka llank'anapaq, wawakunapura riksinakunankuñaq, "Añaskitu" niqta parlanarikunankupaq.
Kay "Añaskitu N° 90" may chhika ruwaykunata wawakunamanta, wawakunapaq apamun, yacharina tiempo qhawaymanta, kallantaq proyectos socioproductivos educacionta tanqanapaq yachay wasikunapi, wiphalamanta yacharina, machka wiphalas tiyan, llinp'ikuna ima niyta munan, kallantaq imasmarikuna, rimaykunata tinkuchinapaq, chanta qhichwata yacharikuna, chay tukuy tariwaqchis "Añaskitu" p'anqapi. Rantirikuyta munaspaqa CENDA wasiman chinpaykamuychis.