Acompañando las estrategias propias de manejo, control del territorio y los recursos naturales

“WAQ JINA LAYAPI PATRONES KUTIRIMUCHKAN”

Kay 8 de septiembre killa 2015 watapi Ayllu Kirkiawi (provincia Bolívar) ruwakuspa karqa taller Normativa de Semillas nisqamanta, kayman CENDA institución waqyasqa karqa, paykunawan parlarikunapaq.

Chinpaykamurqanku uk kimsa chunka aswan runa masis, karqanku autoridades, comunarios qhari, warmi sinchimanta debate ruwarqanku transgenicosmanta, chanta Norma General de Semillas nisqamantawan, ajinata parlarikurqanku.

“Mujuykuta pisilla puquchiyku”

Uk compañero ajinata parlarin: “qhawasqaman jina llakiy (…) kay ukhuman jamullantaq proyectos alcaldiamanta, chay proyectospi jamun aswan mejores papas, nuqaychiq mismo destrosakuschkanchiq, ajinapiqa nuqayku mismo mujuykuta pisilla puquchiyku, chaypiqa nuqayku mismo chinkachispa jinayku”.

“Tantaykuytawan, papa mujusninchista apakapurqanku”

Waq compañero nillantaq: “Ima kachuy tarpuykunchiq, ciudadman ripunapaq, ima papatapis tarpuykullanchiqña, abonoswan ima, ñawpata mana jinachu karqa. Waq institución ñawpakunapi jamuq, papapi yanapaq kanku, nuqa yuyakuni tukuy laya kaq papata, tukuy suyusmanta tantaykuchiq kanku, chantataq niwaq kayku ´Estados Unidosman kay papa chayanqa, chaymantataq qullqi kutimunqa’ nisp. Ajinaspicha q’ala tukuy laya papa mujutaqa apakapurqanku, kunan chay mujusqa mana kanñanchu, achkha papa mujuqa karqa í, waqay ch’uru, runa poncho, runtu papa, saq’anpayas, ch’iqchis, kunan runakunaqtaqa manaña chay papas kanñachu, waych’allaña kunan tiyapuwanchiq í, ñawpataqa mana chay waych’a papa karqachu, kunan q’ala tiempopis cambian, manaña ñawpa tiempo jinachu, septiembrepi tarpunaña karqa ñawpataqa, kunan manaña jinachu octubre, noviembreta papaqa tarpukuchkan”.

“Tukuy ima campomanqa jamuwayku”

Chay tallerpi waq compañero ajinata nin: “Nuqayku kaypiqa tukuy maymantachus qhasi yaykumun chayllataña qhawayku, kayman jamuchkan wakas, khuchis, wallpas, quwis, tukuy ima campomanqa jamuwayku, chayllataña qhawayku, chayllataña suyayku”.

“Waq jina layapi patrones kutirimuchkan”

Gregorio Jacinto Checa, kuraq Mallku, jatun ayllu Kirkiawimanta: “Allin llakiy, waq jina layapi patrones kutirimuchkan hermanos, ñawpataqa a chicotes abuelosninchikta apaykachaq kanku, kunanqa waq jina layapi apaykachawasunchiq, imacha puquyninchik, chaykunamanta dueño jina papeleswan rikhurichkanku. Abuelosninchiq nuqanchiktaqa sano puquywan saqiwarqanchiq, paykuna umallapi apaykachaq kanku documentostaqa, kunan tiempoqa papelpi qillqasqa kanan tiyan, chayrayku tukuypata tiyapuwanchiq carnetpis í, tukuy chaywan empresaspaq makisnninman chayachkanchiq, chaywanqa picha defiendenchiq chaykunata qhawawanchiq como opositores… lindo kanman rescatananchiq (experiencia del mak’unku) salvanapaq mujusninchikta”.

“Actapi tukuy laya mujusta qillqana”

Kay tallerpi uk compañero ajinata parlarin: “¿Imaynapi defiendekusunman?... papas nativasta mak’unkumanta rikhurichisunman, chayta q’umer tiempopi nuqa organizakunata munayman, uk partetaqri q’ala mujus Ayllu Kirkiawimanta uk Actapi redactasqa kanman, jinapi chaywan defiendekusunman, chayta apurarisunman nini tatas, mamas”.

 Q taller semillas transgenicos bolivar 2              

Q taller semillas-transgenico bolivar 1

Visto 2887 veces
Compartir esa articulo

Sobre el Autor

CENDA

CENDA es una institución sin fines de lucro que acompaña las estrategias propias de manejo y control del territorio y recursos naturales. Comparte nuestros contenidos y síguenos en nuestras redes sociales para estar al tanto de nuestras actividades.

Sitio Web: cenda.org/joomla30
Inicia sesión para enviar comentarios