Acompañando las estrategias propias de manejo, control del territorio y los recursos naturales

Santa Vera Cruz Raymi: “Santa Vera Cruz tatala, bendicionniyki churaway, mana thanta purinaypaq, rosas jina   phanchanaypaq”

COPLITAS

Santa Vera Cruz tatala, mañarikuq jamurqani,

munawankichus manachus, chayta yachaq jamurqani,

q’illu lisa, puka lisa, supay apay k’antu lisa.

Takirisaq tusurisaq, supayta kasararisaq,

iskay wata, kimsa wata, ripunanta chimparisaq.

Nispa tukuy sunqu takirikunku Santa Vera Cruz raymipi, Cochabamba llaqtapi.

 IMG 2811

Sapa wata 2, 3 p’unchaykunapi, aymuray killapi (Mayo), tukuy llaqtasmanta jamunku iglesia Tata Santa Vera Cruz rayminman, chaypitaq takinku, tusunku, aqhawan ch’allanku, mañakuspa kantu sumaq puquykuna kananpaq, uywas mirananpaq, mana ni ima pisinanpaq.

 

IMG 2831

 

Doña Sofía Camacho, Rocha Ranchu llaqtitamanta, Santivañez municipiomanta nin: “Sapa wata jamuyku, wakasniypaq, ovejasniypaq, quwispata akitasniyta tata cruzman apamuyku, chayta lawrachiyku, ilayachiytawan apakapusqayku, chay secreto, chaywan kunan, vacas lecherasta, tatitamanta mañakuchkayku”.

IMG 2771

 

Don Emilio Camacho, Paracaya llaqtamanta nillantaq: “He venido porque tengo animalitos, le estoy pidiendo al tata Cruz más ganado, patos, vaquitas lecheras, porque de eso vivimos nosotros, son tradiciones de nuestros abuelos que debemos seguir los jóvenes, no debemos olvidarnos”.

 

IMG 20180503 142638

 

Lourdes Ochoa Tiraque llaqtamanta, paypis nillantaq: “Munayku tatalita astawan papa puquchipunawaykuta, uywasta kawsachinanpaq, sapa wata jamuyku, tatalitaman chimpanku, watantinta producción kananpaq mañankuyku”.

 

IMG 20180503 143930

 

Kusisqas takirikunku:

Santa Vera Cruz tatala, bendicionniyki churaway,

mana thanta purinaypaq, rosasjina phanchanaypaq,

uray mayu cruce, cruce, ripusaq hasta Potosí

Uray mayus yakusninta mana patama kutichiwaqchu,

istay munakuqnatari, separayta atinkimanchu.

 

IMG 2855

 

Ajinata patallamanpuni tatasnischispata yachayninta wicharichina, ama qunqanachu raymistas, traciones nisqata, kawsachinachik culturanchista.

 

IMG 2798

 

 

IMG 20180503 142557

 

Kayta Qillqarin: Nilda Perez G.

 

Visto 109 veces Modificado por última vez en Viernes, 04 Mayo 2018 18:26
Etiquetado como
Compartir esa articulo

Sobre el Autor

CENDA

CENDA es una institución sin fines de lucro que acompaña las estrategias propias de manejo y control del territorio y recursos naturales. Comparte nuestros contenidos y síguenos en nuestras redes sociales para estar al tanto de nuestras actividades.

Sitio Web: cenda.org
Inicia sesión para enviar comentarios